Festa gastronómica que se celebra tradicionalmente no concello de Folgoso do Courel o segundo fin de semana do mes de novembro, alternativamente na parroquia de Folgoso (anos pares) e na parroquia de Seoane (anos impares). Os asistentes poderán degustar de forma gratuíta castañas asadas e viño novo, a cambio de comprar unha xerra de barro gravada como colaboración e por un prezo simbólico. Ademais, durante todo o día, realizaranse numerosos actos: misas, actuación da Banda de Gaitas do Courel, exposición de artesanía rural, comida baseada en produtos derivados da castaña, verbena, etc.